Plantun de Prouvènço

Pèr coumpara dos planto d'encò nostre

Rosa corymbifera & Lycopsis arvensis

Agufié(-en-pinceloun)

Rosa corymbifera

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Noms en français : Églantier en corymbe, Rosier en corymbe.

Descripcioun :
Aquest agufié fai parti dóu group Rosa canina, poudèn dire qu'es un agufié pelous. Pèr lou destria fau d'abord vèire que i'ague ges de glando souto li fueio o sus li bord, que li fueio siegon pas verdalo dessubre, que li dardaioun siegon croucu (coume acò coume Rosa canina). Pièi avisas-vous que i'ague bèn de péu sus li fueio, que li dènt di fueio siegon simplo e enfin que li pecou siegon pas glandoulous.

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.

Port : Aubret
Taio : 1 à 3 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Rosa
Famiho : Rosaceae

Ordre : Rosales

Coulour de la flour : Roso
Petalo : 5
Ø (o loungour) flour : 2,5 à 4 cm
Flourido : Printèms - Estiéu

Sòu : Ca
Autour basso e auto : 0 à 1800 m
Aparado : Noun

Liò : Tepiero seco - Camin - Orle de bos - Colo
Estànci : Termoumediterran à Subaupen
Couroulougi : Éurasiatico-Cèntre-Ouèst
Ref. sc. : Rosa corymbifera Borkh., 1790

Buglosso(-de-champ)

Lycopsis arvensis

Boraginaceae

Noms en français : Buglosse des champs, Petit Buglosse.

Descripcioun :
La buglosso-de-champ es uno planto proun bourrihudo e pougnento que fai de poulìdi flour bluio emé un cor blanc. Lou tube de la corolo èi torse. Li fueio encò la subsp. arvensis soun pulèu estrecho. Trachis dins li champ e ermas séusous.

Usanço :
Li jòuini fueio soun manjadisso cue coume de liéume e li flour pèr lis ensalado. Ei vertuouso contro lou tùssi e pèr faire susa. Ei peréu un bon remoulissènt.

Port : Grando erbo
Taio : 10 à 100 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Lycopsis
Famiho : Boraginaceae

Coulour de la flour : Bluio
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Si
Autour basso e auto : Pancaro entresigna
Aparado : Noun
Mai à setèmbre

Liò : Ermas - Champ - Terraire safrous
Estànci : Termoumediterran à Subremediterran
Couroulougi : Pancaro entresigna
Ref. sc. : Lycopsis arvensis L., 1753 (= Anchusa arvensis (L.) M.Bieb. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Rosa corymbifera & Lycopsis arvensis

Coumpara Agufié(-en-pinceloun) emé uno autro planto

Coumpara Buglosso(-de-champ) emé uno autro planto